GAMELAS
- INV:
- 3351
- Año de creación:
- 1973
- Dimensiones:
- 73 x 103 x 0
- Técnica:
- Acuarela sobre papel
Comentarios
Para Rafael Alonso, o mar é unha fonte de inspiración, un medio no que experimentar emocións e estados de ánimo nunha inesgotable complicidade coa natureza.A praia preséntase como un espazo habitado polas gamelas que se moven ó compás do vento e das ondas. O peirao corta a mirada para centrala na escena principal sen evitar que o océano se estenda para acariciar a costa encarada que delimita a liña do horizonte.
Manipula os azuis graduándoos en diferentes intensidades para individualizar os sucesivos ritmos espaciais e o branco do papel adquire categoría cromática, captando a luz e o vaivén das ondas. As formas dos botes plásmanse con xesto rápido e as olas describen o seu movemento a través de urxentes trazos, longos e cruzados, nun xogo entre o branco e os mariños, que na beira se superpoñen para conformar manchas que reproducen a cadencia da auga.
As obras realizadas a comezos dos anos setenta buscan o esencial nunha proposta que é cada vez máis verdade, máis realidade descarnada; empregan a cor coma un elemento emotivo e a pincelada como instrumento para interpretar un universo que é luz, mar e aire.